(အပတ်စဉ်ကဏ္ဍ)
ချစ်မြေမွေးရပ်က ဝေးသနှင့်
ရေးဖွဲ့သူ - ယျာတင် (ရိုဟင်းသား)
သြော် ... ရက်များကုန်မြန်
အိုးအိမ်မဲ့နှင့်၊ သည်ဒုက္ခဝန်
လေးလံဝန်ပိ
ကံတရားလား၊ ကပ်ဆိုးလား
ခါးသီးလွန်းတယ်၊ အို သန်းပေါင်းဒုက္ခ။
သူ့အရပ်မှာ၊ ထူထပ်စွာနေရသည်
မွေးမြေဌာနေကလည်း ဝေးသနှင့်။
ရွာချသည့်မိုး၊ အငြိုးကြီးမို့
တဲခေါင်မိုးပေါက်သည်
သည်မိုးသည်ရေကလည်း ယိုလျက်နှင့်။
ဥတုနွေလ၊ ရောက်ပြန်ကလည်း
တာပလင်တဲများ
မီးနှယ်ပူကြူး၊ လူကရူးသည်
အရိပ်အာဝါသကလည်း မွဲသနှင့်။
ရာသီပြောင်းလဲ၊ ဆောင်းမြူဝဲချိန်
လွန်ကဲစွာအေး
အနွေးဓာတ်ပေး ရင်ခွင်အေးကို
ဘယ်မှာရှာလို့ တွေ့နိုင်လိမ့်။
သဖြန်
ဟိုဘက်တဲမှာ ငိုသံသည်း
ငတ်မွတ်ခြင်း ဒုက္ခနှင့်
မိတဆိုး ကလေး။
သည်ဘက်တဲမှာ ညည်းသံပြည့်
အဆင်မပြေမှု သိန်းသန်းနှင့်
ဟိုတုန်းက သူဌေး။
အို ... ဒုက္ခသည်ဘဝ
အရွယ်စုံတို့၏ရွှေသည်းများ ပြိုကွဲပါသည်
မိမြေကို လွမ်းသောကြောင့်။
_____________________________________
ကဗျာအမျိုးအစား - ညည်းချင်း သဖြန်
_____________________________________
- ...
႐ိုတို႔ဘဝ
ေရးဖြဲ႕သူ – BM [Hairu]
မိုးပြင့္ေထာင္လို စခန္းေခ်ာင္က အျပင္ထြက္ရန္ ဝင္ေပါက္တံခါး တကယ္နတၱိ ပိတ္ပင္တားလို႔ ေရတြင္းထဲက ဖားဘဝလို ကုန္ဆုံးေနသည့္ ႐ိုတို႔ဘဝ။
ရိကၡာရလည္း ပဲဟင္းတစ္မည္ ေန႔တိုင္းစားလို႔ ထမင္းလုတ္ေတြ အဝင္မသာ လည္ပင္းနာနာ မ်က္ရည္လည္လည္ အငတ္ေျပေအာင္ မ်ိဳခ်ရသည့္ ႐ိုတို႔ဘဝ။
ေမွာင္ဆိုင္းေနသည့္ အနာဂတ္က အဓိပၸာယ္မဲ့ က်န္ရစ္ေနရင္း ေနာက္တမ္းျပန္ဆုတ္ ဖိအားယုတ္ေၾကာင့္ အတိတ္မွာပင္ သက္႐ႉက်ပ္က်ပ္ နစ္မြန္းေနသည့္ ႐ိုတို႔ဘဝ။
လူ႔စာရင္းထဲ ေရတြက္ခံလည္း လူသားမ်ား၏ အခြင့္အေရး ငါကမရ စက္႐ုပ္ပမာ လြပ္လပ္ျခင္း၏ အရသာကို ၿမိန္ရွက္မရသည့္ ႐ိုတို႔ဘဝ။
Sn.Nov,B-01 (၃-၁၁-၂၀၁၉)
The ArtGardenRohingya