(အပတ်စဉ်ကဏ္ဍ)
ချစ်မြေမွေးရပ်က ဝေးသနှင့်
ရေးဖွဲ့သူ - ယျာတင် (ရိုဟင်းသား)
သြော် ... ရက်များကုန်မြန်
အိုးအိမ်မဲ့နှင့်၊ သည်ဒုက္ခဝန်
လေးလံဝန်ပိ
ကံတရားလား၊ ကပ်ဆိုးလား
ခါးသီးလွန်းတယ်၊ အို သန်းပေါင်းဒုက္ခ။
သူ့အရပ်မှာ၊ ထူထပ်စွာနေရသည်
မွေးမြေဌာနေကလည်း ဝေးသနှင့်။
ရွာချသည့်မိုး၊ အငြိုးကြီးမို့
တဲခေါင်မိုးပေါက်သည်
သည်မိုးသည်ရေကလည်း ယိုလျက်နှင့်။
ဥတုနွေလ၊ ရောက်ပြန်ကလည်း
တာပလင်တဲများ
မီးနှယ်ပူကြူး၊ လူကရူးသည်
အရိပ်အာဝါသကလည်း မွဲသနှင့်။
ရာသီပြောင်းလဲ၊ ဆောင်းမြူဝဲချိန်
လွန်ကဲစွာအေး
အနွေးဓာတ်ပေး ရင်ခွင်အေးကို
ဘယ်မှာရှာလို့ တွေ့နိုင်လိမ့်။
သဖြန်
ဟိုဘက်တဲမှာ ငိုသံသည်း
ငတ်မွတ်ခြင်း ဒုက္ခနှင့်
မိတဆိုး ကလေး။
သည်ဘက်တဲမှာ ညည်းသံပြည့်
အဆင်မပြေမှု သိန်းသန်းနှင့်
ဟိုတုန်းက သူဌေး။
အို ... ဒုက္ခသည်ဘဝ
အရွယ်စုံတို့၏ရွှေသည်းများ ပြိုကွဲပါသည်
မိမြေကို လွမ်းသောကြောင့်။
_____________________________________
ကဗျာအမျိုးအစား - ညည်းချင်း သဖြန်
_____________________________________
- ...
ရုိကံဇာတာ
ေရးဖြဲ႔သူ- ေဒ၀ံ |
ရတနာျခယ္စီ ရုိဌာေနမွ
တစ္ပါးနယ္သုိ႔ အပီအျပင္
ျပည္ႏွင္ဒဏ္ခတ္
အဖုိးအနဂၣ ထုိက္သည့္ဘ၀
မေႂကြသင့္ဘဲ ေႂကြခဲ့ရ။
ႏႈတ္ခဲဖြယ္ရာ ေဘာဇဥ္ၾကြယ္၀
အ၀၀ကုိ ေက်ာခုိင္းေစလ်က္
အနႏၲဂုဏ္ မငဲ့ညွာႏုိင္
မ၀ေရစာ မေလာက္မငွ
မငတ္သင့္ဘဲ ငတ္ခဲ့ရ။
ေထာက္မီမရ အသိဥာဏ္ႏွင့္
တင္ၾကိဳျမင္ရ မျပည့္စုံေသာ
အနာဂတ္ႏွယ္ ဆီမီးတန္ေဆာင္
မလင္းခဲ့သည့္ ရုိဘ၀က
ေရတိမ္နစ္ခဲ့ၿပီ။
[၂၄-၀၃-၂၀၁၉]
TheArtGardenRohingya