(အပတ်စဉ်ကဏ္ဍ)
ချစ်မြေမွေးရပ်က ဝေးသနှင့်
ရေးဖွဲ့သူ - ယျာတင် (ရိုဟင်းသား)
သြော် ... ရက်များကုန်မြန်
အိုးအိမ်မဲ့နှင့်၊ သည်ဒုက္ခဝန်
လေးလံဝန်ပိ
ကံတရားလား၊ ကပ်ဆိုးလား
ခါးသီးလွန်းတယ်၊ အို သန်းပေါင်းဒုက္ခ။
သူ့အရပ်မှာ၊ ထူထပ်စွာနေရသည်
မွေးမြေဌာနေကလည်း ဝေးသနှင့်။
ရွာချသည့်မိုး၊ အငြိုးကြီးမို့
တဲခေါင်မိုးပေါက်သည်
သည်မိုးသည်ရေကလည်း ယိုလျက်နှင့်။
ဥတုနွေလ၊ ရောက်ပြန်ကလည်း
တာပလင်တဲများ
မီးနှယ်ပူကြူး၊ လူကရူးသည်
အရိပ်အာဝါသကလည်း မွဲသနှင့်။
ရာသီပြောင်းလဲ၊ ဆောင်းမြူဝဲချိန်
လွန်ကဲစွာအေး
အနွေးဓာတ်ပေး ရင်ခွင်အေးကို
ဘယ်မှာရှာလို့ တွေ့နိုင်လိမ့်။
သဖြန်
ဟိုဘက်တဲမှာ ငိုသံသည်း
ငတ်မွတ်ခြင်း ဒုက္ခနှင့်
မိတဆိုး ကလေး။
သည်ဘက်တဲမှာ ညည်းသံပြည့်
အဆင်မပြေမှု သိန်းသန်းနှင့်
ဟိုတုန်းက သူဌေး။
အို ... ဒုက္ခသည်ဘဝ
အရွယ်စုံတို့၏ရွှေသည်းများ ပြိုကွဲပါသည်
မိမြေကို လွမ်းသောကြောင့်။
_____________________________________
ကဗျာအမျိုးအစား - ညည်းချင်း သဖြန်
_____________________________________
- ...
၂၅ ၾသဂုတ္ ရင္မွာကုပ္ | ေရးဖြဲ႕သူ။ ။ Aejas Ruhul Amin (ေတာင္ျပိဳ)
လူ႔ဘုံခန္းဝါ လူ႔ေလာကဝယ္
ဗမာစစ္သား နယ္ေျမ႐ွင္းလင္း
ေခါင္းစဥ္တပ္၍ ငယ္အိုမျခား
လူသားအျမစ္ မ်ိဳးတုန္းအျဖစ္
သတ္ျဖတ္ခဲ့သည့္ ေန႔အေမွာင္ကို
ရင္နာနာႏွင့္ ခ်ိတ္ဆြဲထား၏။
ဒဏ္ရာဒဏ္ခ်က္ ေထာင္ေသာင္းခ်ီလ်က္
ေလ်ွာက္ရာလမ္းက ဝန္ေလးမိ၍
ယိမ္းယိုင္႐ွာသည့္ ငါ႐ိုဟင္းသား
၂၅ျသဂုတ္ လူေသအထုပ္
ပင္လယ္ယံမွာ ေပါေလာေပၚ၍
ေမ်ာေနသည္ကို ငါျမင္မိ၍
ဟစ္ေသာအသံ မိုးယံႏွင့္တိုက္
ပဲ့တင္ထပ္ကာ က်န္ရစ္ေန၏
အေဖအေမ ညီကိုေမာင္ႏွမ
အသက္ေလးကို ဆုပ္ကိုင္ထားၿပီး
ေဘးလြတ္ရာသို႔ ေရာက္ရ႐ွာလည္း
ေႏွာင္းအတိတ္ကို သတိရတိုင္း
ႏွလုံးကြဲေအာင္ ဟစ္လိုက္ခ်င္၍
ငါသည္ အႀကိမ္ႀကိမ္ ေသေန၏။
Sn.Aug,B-08 10-08-2019 #TheArtGardenRohingya #GenocideRemembranceDay