(အပတ်စဉ်ကဏ္ဍ)
ချစ်မြေမွေးရပ်က ဝေးသနှင့်
ရေးဖွဲ့သူ - ယျာတင် (ရိုဟင်းသား)
သြော် ... ရက်များကုန်မြန်
အိုးအိမ်မဲ့နှင့်၊ သည်ဒုက္ခဝန်
လေးလံဝန်ပိ
ကံတရားလား၊ ကပ်ဆိုးလား
ခါးသီးလွန်းတယ်၊ အို သန်းပေါင်းဒုက္ခ။
သူ့အရပ်မှာ၊ ထူထပ်စွာနေရသည်
မွေးမြေဌာနေကလည်း ဝေးသနှင့်။
ရွာချသည့်မိုး၊ အငြိုးကြီးမို့
တဲခေါင်မိုးပေါက်သည်
သည်မိုးသည်ရေကလည်း ယိုလျက်နှင့်။
ဥတုနွေလ၊ ရောက်ပြန်ကလည်း
တာပလင်တဲများ
မီးနှယ်ပူကြူး၊ လူကရူးသည်
အရိပ်အာဝါသကလည်း မွဲသနှင့်။
ရာသီပြောင်းလဲ၊ ဆောင်းမြူဝဲချိန်
လွန်ကဲစွာအေး
အနွေးဓာတ်ပေး ရင်ခွင်အေးကို
ဘယ်မှာရှာလို့ တွေ့နိုင်လိမ့်။
သဖြန်
ဟိုဘက်တဲမှာ ငိုသံသည်း
ငတ်မွတ်ခြင်း ဒုက္ခနှင့်
မိတဆိုး ကလေး။
သည်ဘက်တဲမှာ ညည်းသံပြည့်
အဆင်မပြေမှု သိန်းသန်းနှင့်
ဟိုတုန်းက သူဌေး။
အို ... ဒုက္ခသည်ဘဝ
အရွယ်စုံတို့၏ရွှေသည်းများ ပြိုကွဲပါသည်
မိမြေကို လွမ်းသောကြောင့်။
_____________________________________
ကဗျာအမျိုးအစား - ညည်းချင်း သဖြန်
_____________________________________
- ...
ေသာကျပည့္ႏွင့္ ဤခရီး
ေရးဖြဲ႔သူ – Dialogue Partner
ကိုယ္တိုင္ျဖစ္လ်က္ ဝံသာႏု
ဟစ္ေအာ္ငိုေႂကြး ငါ့စိတ္ႏု။
ေလျပည္ေလညင္း ခံခ်င္တာ
ကိုယ့္ျပည္အႏွံ႔ လွည့္လည္ကာ။
ထိုအိမ္ေဂဟာ ငါ့ရေဝ
ျဖစ္သြား ငါႏွင့္ အလွမ္းေဝး
အေတာင္တစ္စံု ႐ွိခဲ့က
ပ်ံဝဲေရာက္ၿပီ ငါ မုခ်။
ငယ္ရြယ္ေပါင္းေဖာ္ စုဖြဲ႔လို႔
လမ္းသြယ္အစံု ေလွ်ာက္လည္ခဲ့
လေရာင္ျပည့္ႏွင့္ ထိုညေလး
ေမ့ႏိုင္ဖို႔မွာ လြန္စြာခဲ။
သူေဖးမသည့္ တဲငယ္မွ
ကိုယ့္အိမ္ျပန္စိတ္ ေတြးေပၚလာ
အတန္ၾကာေအာင္ ေျပးေနလည္း
ပန္းတုိင္အမွန္ ေရာက္ဖို႔ခဲ။
ဪ ....
ဤခရီး ေသာကျပည့္ႏွင့္ေလး။
Sn. Sep, B-01
(08-09-2019)
The Art Garden Rohingya