(အပတ်စဉ်ကဏ္ဍ)
ချစ်မြေမွေးရပ်က ဝေးသနှင့်
ရေးဖွဲ့သူ - ယျာတင် (ရိုဟင်းသား)
သြော် ... ရက်များကုန်မြန်
အိုးအိမ်မဲ့နှင့်၊ သည်ဒုက္ခဝန်
လေးလံဝန်ပိ
ကံတရားလား၊ ကပ်ဆိုးလား
ခါးသီးလွန်းတယ်၊ အို သန်းပေါင်းဒုက္ခ။
သူ့အရပ်မှာ၊ ထူထပ်စွာနေရသည်
မွေးမြေဌာနေကလည်း ဝေးသနှင့်။
ရွာချသည့်မိုး၊ အငြိုးကြီးမို့
တဲခေါင်မိုးပေါက်သည်
သည်မိုးသည်ရေကလည်း ယိုလျက်နှင့်။
ဥတုနွေလ၊ ရောက်ပြန်ကလည်း
တာပလင်တဲများ
မီးနှယ်ပူကြူး၊ လူကရူးသည်
အရိပ်အာဝါသကလည်း မွဲသနှင့်။
ရာသီပြောင်းလဲ၊ ဆောင်းမြူဝဲချိန်
လွန်ကဲစွာအေး
အနွေးဓာတ်ပေး ရင်ခွင်အေးကို
ဘယ်မှာရှာလို့ တွေ့နိုင်လိမ့်။
သဖြန်
ဟိုဘက်တဲမှာ ငိုသံသည်း
ငတ်မွတ်ခြင်း ဒုက္ခနှင့်
မိတဆိုး ကလေး။
သည်ဘက်တဲမှာ ညည်းသံပြည့်
အဆင်မပြေမှု သိန်းသန်းနှင့်
ဟိုတုန်းက သူဌေး။
အို ... ဒုက္ခသည်ဘဝ
အရွယ်စုံတို့၏ရွှေသည်းများ ပြိုကွဲပါသည်
မိမြေကို လွမ်းသောကြောင့်။
_____________________________________
ကဗျာအမျိုးအစား - ညည်းချင်း သဖြန်
_____________________________________
- ...
“ရုန်းထွက်ကြပါ တို့ရိုဟင်ဂျာ”
ချစ်ကြခင်ကြ ဆဆပွားလို့
စည်းကြိုးနှောင်ထား တို့လူငယ်
မျိုးစေ့အမှန် ခေတ်နောက်မပြန်
တွေးတောကြံဆ ရုန်းထွက်ကြ။
စိတ်မဆိုးကြေး မေတ္တာပွားလေ
စိတ်ဓာတ်ကြံ့ခိုင် သွေးမကွဲနိုင်
အမျိုးအရေး တို့အရေး
ထိပ်ထားကျေပွန် တစ်ထမ်းတည်း။
ညီကာစည်းကာ ရှေ့ဆက်ပါ
အများအကျိုး တို့အကျိုး
သယ်ရင်းပိုးရင်း အားဖြည့်ပါ
ချုံးချုံးကျတဲ့ အတိတ်ဘဝ
သိမ်ငယ်စိတ်ရဲ့ ပင့်ကူအိမ်မှ
ရုန်းထွက်ကြပါ တို့ရိုဟင်ဂျာ။
— TTM (အဏ္ဏဝါနီသွေး)
(15-07-2021)
Editorial Team