(အပတ်စဉ်ကဏ္ဍ)
ချစ်မြေမွေးရပ်က ဝေးသနှင့်
ရေးဖွဲ့သူ - ယျာတင် (ရိုဟင်းသား)
သြော် ... ရက်များကုန်မြန်
အိုးအိမ်မဲ့နှင့်၊ သည်ဒုက္ခဝန်
လေးလံဝန်ပိ
ကံတရားလား၊ ကပ်ဆိုးလား
ခါးသီးလွန်းတယ်၊ အို သန်းပေါင်းဒုက္ခ။
သူ့အရပ်မှာ၊ ထူထပ်စွာနေရသည်
မွေးမြေဌာနေကလည်း ဝေးသနှင့်။
ရွာချသည့်မိုး၊ အငြိုးကြီးမို့
တဲခေါင်မိုးပေါက်သည်
သည်မိုးသည်ရေကလည်း ယိုလျက်နှင့်။
ဥတုနွေလ၊ ရောက်ပြန်ကလည်း
တာပလင်တဲများ
မီးနှယ်ပူကြူး၊ လူကရူးသည်
အရိပ်အာဝါသကလည်း မွဲသနှင့်။
ရာသီပြောင်းလဲ၊ ဆောင်းမြူဝဲချိန်
လွန်ကဲစွာအေး
အနွေးဓာတ်ပေး ရင်ခွင်အေးကို
ဘယ်မှာရှာလို့ တွေ့နိုင်လိမ့်။
သဖြန်
ဟိုဘက်တဲမှာ ငိုသံသည်း
ငတ်မွတ်ခြင်း ဒုက္ခနှင့်
မိတဆိုး ကလေး။
သည်ဘက်တဲမှာ ညည်းသံပြည့်
အဆင်မပြေမှု သိန်းသန်းနှင့်
ဟိုတုန်းက သူဌေး။
အို ... ဒုက္ခသည်ဘဝ
အရွယ်စုံတို့၏ရွှေသည်းများ ပြိုကွဲပါသည်
မိမြေကို လွမ်းသောကြောင့်။
_____________________________________
ကဗျာအမျိုးအစား - ညည်းချင်း သဖြန်
_____________________________________
- ...
ငါ့ဘဝ
ရေးဖွဲ့သူ- Jainwaz Salim @ Ohmmar Win
ငယ်ငယ်ကပင် ကုလားကုလား
အခေါ်ခံရတာ ထပ်ခါထပ်ခါ
မကြားချင်တဲ့ ငါ့ဘဝမှာ
အမျိုးမျိုးခွဲခြားဆက်ဆံခံရ။
သို့ပေမယ့် ငါတို့ရိုဟင်ဂျာ
တနေ့တနေ့ အောင်မြင်လာမှာ
ငြိမ်းချမ်းရေးကို မျှော်လင့်ရင်းနဲ့
ခါးခါးသီးသီး ဖြတ်ကျော်လာရတာ
ဇွဲ့မလျော့ဘဲ သတ္တိမွေးကာ
အားအင်တောင် ချည့်နဲ့လာခဲ့။
အသက်ရှင်ဖို့ ရှောင်ပြေးရတဲ့ဘဝမှာ
နာနာကျင်ကျင် ကျော်ဖြတ်လာရတာ
စည်းစည်းလုံးလုံး ရင်ဆိုင်မှုက
အင်မတန် ဂုဏ်ယူစရာ
ငါ့ရပ်တည်နိုင်တဲ့ အင်အားတခုပါ။
(26-10-2020)
Editorial Team
The Art Garden Rohingya