The Blog

Editarór fosón Rohingya Kavita (4) wá | Febuari, 2021.

Arañg Sára Sóddári

Lekóya- Kaladan Star

No-zanós ekkán,
úñrí bángos doccán.
Baforó murát faillé hõi,
goijjós fuwañjjá cíyallar lói.
Cíyallar lesót dóri soli lí,
izzot cohorot haraili.
Rata kurá beec bak dilé,
cíyallar matá tik no-táké.
Mouka fai tui félai noó zános,
ehón fojjós cíyallar háiñnót.
Sóu gin óré guzara diyós,
cíyallar guccír adár banaiyós.
Cíyallar buddít tái di no-faror
Dec thíyaré gulam banaiyós.

Etolla hoiddé…
No-buzos ekkán, úñri bañgós doccán.

Rifúzír Moza

Lekóiya- Eibrahim Sayed

Badcá accilám nizor decót
Fokír bóñillam e decót
Dil-oré búzdir accíl nosifót
Bazí taíkkí addán foñtót

Gór harái dé terfálor bacá
Añárar zindegi murár háindá háindá
Asi ehón añárá siyólór girár baindá
Allah zané keené así añára zindá

Ruáingár mukór háñcá dilor hañdá
Aró mancé dakér ruáinga gadá
E zindegi yián añárallá oíye sáñzá
Ehón buzi faíllám rifúzír mozá

Ruáinga Maiya

Lekóiya-Mayyu Khan

Ruáinga maiya maani noó honó komzuri,
Tarár loór bútóre lukai asé rani khayapuri.
No-foraiyo khayapurir hímmot wala roñg,
Arab mullúkór Hanifár khéláf gojjil doñr jóng.

Kiyé báfer tiñar hol abar kiye báfer dhañci,
Kiyé báfer kúwáiccór ciz ouk iba baro yaani ashi.
Maiya fua óile duc kiyollá felar beçir gañçot.
Éndíllá morotor dorhar nái Morok Jahánnamot.

Ajja te boinne morot maiyar hotá no bafer,
Mayèar ferot jonom loi teh ajja maiyar sul hañrer.
Maiya maani lokkir bándhar haár ekkán girossít,
Tará bone afoñtór sahará zoto faldok házar rit.

Maiya maani ugguá adojja lofzó e duniyar uorè,
Kiyé abar maiyar nam fúnile hásorote zoli morè.
Moddawali somazót mazé morotor ziit óu
Hár èk hosurí gín maiyar khilaf Háñzái raká óu.

Ruáinga maiya bangido zeto asé keña-síyol
Nizor ijjot loi fuwañti áñço dehó tuáñrar bol.
Ruáinga maiya maani noó honó komzuri,
Tarár loór bútóre lukai asé rani khayapuri.

Cúndori

Lekóiya- Hadis Ma Nu Nu

Ciíl kuwár tándha fáni
Cóndori záar sati dóri
Hála burhá hála sáti
Gura bái yé thanér rosí
Cúndori záar háñçi háñçi.

Leave a Comment

Your email address will not be published.

Your Comment*

Name*

Email*

Website