(အပတ်စဉ်ကဏ္ဍ)
ချစ်မြေမွေးရပ်က ဝေးသနှင့်
ရေးဖွဲ့သူ - ယျာတင် (ရိုဟင်းသား)
သြော် ... ရက်များကုန်မြန်
အိုးအိမ်မဲ့နှင့်၊ သည်ဒုက္ခဝန်
လေးလံဝန်ပိ
ကံတရားလား၊ ကပ်ဆိုးလား
ခါးသီးလွန်းတယ်၊ အို သန်းပေါင်းဒုက္ခ။
သူ့အရပ်မှာ၊ ထူထပ်စွာနေရသည်
မွေးမြေဌာနေကလည်း ဝေးသနှင့်။
ရွာချသည့်မိုး၊ အငြိုးကြီးမို့
တဲခေါင်မိုးပေါက်သည်
သည်မိုးသည်ရေကလည်း ယိုလျက်နှင့်။
ဥတုနွေလ၊ ရောက်ပြန်ကလည်း
တာပလင်တဲများ
မီးနှယ်ပူကြူး၊ လူကရူးသည်
အရိပ်အာဝါသကလည်း မွဲသနှင့်။
ရာသီပြောင်းလဲ၊ ဆောင်းမြူဝဲချိန်
လွန်ကဲစွာအေး
အနွေးဓာတ်ပေး ရင်ခွင်အေးကို
ဘယ်မှာရှာလို့ တွေ့နိုင်လိမ့်။
သဖြန်
ဟိုဘက်တဲမှာ ငိုသံသည်း
ငတ်မွတ်ခြင်း ဒုက္ခနှင့်
မိတဆိုး ကလေး။
သည်ဘက်တဲမှာ ညည်းသံပြည့်
အဆင်မပြေမှု သိန်းသန်းနှင့်
ဟိုတုန်းက သူဌေး။
အို ... ဒုက္ခသည်ဘဝ
အရွယ်စုံတို့၏ရွှေသည်းများ ပြိုကွဲပါသည်
မိမြေကို လွမ်းသောကြောင့်။
_____________________________________
ကဗျာအမျိုးအစား - ညည်းချင်း သဖြန်
_____________________________________
- ...
ဟန္ေဆာင္နိုင္ခဲ့ၿပီ…တကယ္
ေရးဖြဲ႕သူ- မင္းမဟာ
အထီးက်န္ျခင္းမ်ားစြာနဲ႔ ၿမိဳင္ဆိုင္ခဲ့တဲ့
ညတိုင္းရဲ့ နိဂုံးမလွခဲ့ေပ။
သို႔ေသာ္
မင္းရွိေနေသးတယ္ဆိုတဲ့ အသိတရားေလးက
ကိုယ့္ကို အၿပံဳးမပ်က္ေစခဲ့ဘူး…တကယ္။
ဟန္ေဆာင္ျခင္း
ကင္းမဲ့ခဲ့ေလာဆိုသည္မ်ိဳးလည္း
မဟုတ္ဘူးရယ္။
ဤအမွန္တရားေတြေအာက္ဝယ္
ကိုယ္ေနသားက်ၿပီး အထီးက်န္ျခင္းဆိုတဲ့
ညတိုင္းရဲ႕ခံစားခ်က္ေတြကို
ကိုယ္ျပက္ရယ္ျပဳရင္း
ဟန္ေဆာင္ၿပံဳးနိုင္ခဲ့ၿပီ…တကယ္။
ကိုယ္ၿပံဳးနိုင္ခဲ့ၿပီ…တကယ္။
(၂၃-၀၅-၂၀၂၀) အယ္ဒီတာအဖြဲ႕ The Art Garden Rohingya